(+.. جموح مهره تحت المـ ج ـــهــر ..+)

[لوعة الشوق]

السلام عليكم ورحمة الله وبركاته


http://www.barqalshamal.com/upload/folder1/elite_7WemM1hvV.jpg




احترت كثيراً في وضع مقدمه لـ ضيفتنا هنا لـ يومين ..


هدوء / غموض ..

http://www.barqalshamal.com/upload/folder1/elite_7WemM1hvV.jpg

(..,’ جموح مهره ’,..)

http://www.barqalshamal.com/upload/folder1/elite_7WemM1hvV.jpg


هنا تحت المـ ج ــهــر سنضعك عزيزتي لـ نراك بوضوح أكثر فـل تودعي ذلك الهدوء وتتعلقي بأستار الوضوح والمشاغبهـ لـ نكسر تلك الحواجز بيننا هنا .. وحياك الله معنا واتمنى تكون اسئلتنا خفيفه عليكـ ..

http://www.barqalshamal.com/upload/folder1/elite_7WemM1hvV.jpg



تذكـــير بـ الشروووط والــقوانيــــــــــــــــن :



مسموح لـكـل عضو من 3 الى 5 اسئله متنوعه لاتزيد عن هذا العدد

ولكـِ عزيزتي الحريهـ التامهـ في الاجابه على الاسئلهـ من عدمها إن كانت شخصيةً بحتهـ ...






من هذا اليوم سننطلق لمدة يومين .. اليوم توضع الأسئله الى بعد صلاة الفجر اي الساعة 5 فجراً عندها أي سؤال بعد هذا الوقت لن يحسب ... وغداً يفتح لكِ المجال بالإجابهـ على اسئلة الاعضاء ...







واخيرا ...


http://www.barqalshamal.com/upload/folder1/elite_1MvysIO4Cz.jpg

[برق الشمال]

منورة اختي جموح مهره اسئلتي استلميها


ماهي وظيفتك ؟
كيف تعرفتي على المجالس ؟
كيف وجدتي المجالس ؟

[الصقر الشمالي]

امممممم

اول شي هلا وغلا فيك ضيفتنا جموح مهره ..في برنامجنا .. تحت المجهر ..

وشرفتينا بتواجدكـ .. واهلا وسهلا بكـ ..


1- برنامجك اليومي في رمضان ؟

2- تذكرين أوّل مرّه صمتي فيها ؟ وكم كان عمركـ تقريبا ؟

3- ماهي الاكلة اوالمشروب المفضل لك برمضان ؟

4- هل تحسين بفرق بين رمضان الان ورمضان في السابق ؟

5- موقف لاتنسينه في رمضان ؟؟


اخيرا ..
كلمة توجهينها للقائمين ع البرنامج .. والى الاعضاء المتابعين للبرنامج ..


ولك مني كل الود ..

الصقر الشمالي

[المحقق كونان]

واااااااااااااااااااااااااااااو


ماااودي اطول السالفة حيل



وشلوووووووون جيتي لحاااارتنا ؟؟؟


وش سبب اختيااااار هذا النك ومامعناااااااااااه ؟؟؟



وش ياربي بعد وشي وش اقووول وش اسأل



شكلووووه مابه غير السؤاااالين


ادري اسئلة اي وااااااااحد يقدر يسألها


بس لأن مخي مقفل يبي له فووورماااااااااااااات


ههههههههههه


100 وردة

[جموح مهره]

مرحباااااا:sm1 (117):

مشكوره خيتو لوعه على الدعوه

ويارب أكون عند حسن ظن الجميع:24:

[عتيبي مطنوخ]

:1: :1: ماشاء الله نفظو الأسئله على طول :1: :1:

ما بقى لي شي

لي عودهـ

[نور الدنيا]

منووووووره المجهر مجووووح

ولي عووده

دمتي بود

[سارقة قلبي]

يلا امسكي اسألتي

شنو جذبك في مجالس برق ؟
ومن من الاعضاء شعرتي بالارتياح له ؟
وهل يوم من الايام تفكرين انك تتركينا ولماذا ؟>>>>> متعقده من الي يطلعون
وكم عمرك ؟
امممممممممممممممممممممممم
تدرسين ؟ واي مرحله
وهذي اسألتي وتقبلي مروري

[صدق المشاعر]

http://abeermahmoud2006.jeeran.com/553-Wellcome.gif

بكـ عزيزتي جموح مهرهـ

وإليكِ أسئلتي:

http://www.khwaildi.org/vb/images/smilies/w6w.gif
س1/عندما تري الدنيا ملونه ...وتسمعي كل شي يغني مسرورا ....
عندما تبتسمي دون أن تشعري ...عندما تحسي انك على وفاق مع كل شي . ..
ما معنى ذلك؟

س2/ عجلة الزمن بين يديك
حركيها حسب رغبتك أما إلى الأمام أو إلى الخلف
أين ستقفي بنا وماذا ستخبرينا عن هذه الفترة الزمنية ؟

س3/ماحكمتكـِ في الحياة؟

س4/ لكل منا هوايات تستجديه وقت الفراغ... ماهي هواياتك؟

ودمتي بحفظ الإله

أختك

صدق المشآعر

[امــيرة الدجه]

مراحب..:)

كيفك خيتوو..؟
اخبارك..؟؟

يالله استلمي اسألتي..:1:

1-جموح من النوع اللي يحتفظ بالذكريــات ...؟
اقصد أغراضــكـ القديــمهـ واللي تذكرك بأحداث ومناسبات خــــــــآصهـ
أو الأشياء تبــع ايام المدارس والدراسه ..؟؟


2-أول يوم لك بالمدرسه .. يوم أنتي بأول ابتدائي ... مين كان معك ..؟
ووصفيلي ذاك اليـــوم وش سويتي فيه بالتفصيـــــل ؟


3-مانــوع الأجــواء اللي تفضــلها جموح؟
هل طابــع على جوك الهـــــــــدوء .. والا الفرفشه الازعاج ؟؟



ان شاء الله يارب تكون خفيفه عليك :)




شكرا..:)

[أحلى نسيم]

أهلا جموح

تفضلي أسئلتي
1ـ هل أنت من النوع الذي يوأيد التعبير عن الذات؟
2ـ مارأيك بالخوطر؟
3ـ ماذا تفضلي من الألوان؟



أرجوا أن تكون أسئلتي خفيفة.......



تحياتي

[جموح مهره]

أسعد الله مسائك أخوي برق

والمجالس منوره بكل "الأعضاء"

ويشرفني أجاوبك على أسألتك

ماهي وظيفتك؟
إداريه وأعشق كل شي بالإداره

كيف تعرفتي على المجالس؟
كنت داخله على موقع أسمه (منتقى) وضغطت على رابط صوره ماأذكر أيش هي بالضبط وطلعت لي المجالس وبصراحه أتوقع هذي من أحلى الصدف بحياتي أني أدخل هالمجالس، ومن الأساس أنا أحب الشمال وأهله ومن بكرا بعد ماشفته سجلت هنا.

كيف وجدتي المجالس؟
رائـــــــــعه وأكثر من رائـــــــــــعه ،
إحترام بين الأعضاء، أخوّه ، رقي في الطرح في جميع المواضيع ، تنوع ،،، بصراحه أشياء كثير لو جلست أسردها ماكفاني الوقت .

ماأقول غير الله يديم هالمجالس ويحفظ جميع الأعضاء والعضوات من كل شر

ويارب يقدرني أكون عند حسن ظن الجميع

شاكره لك أخوي

[لوعة الشوق]

حياك الله جموح ض1



الساعات تمر وننتظر الأجابه ض1


تقولين وظيفتك أداريه ض1 يعني كم عمرك ض1 ؟؟


في اي منطقه من مناطق المملكه تعيشين حالياً ؟



ماهو رأيك في وضع التدريس حالياُ سواء كان ابتدائي متوسط ثانوي او دراسات عُلياً ؟

[جموح مهره]

يسعد مساك أخوي الصقر

سعيده جداً بأسألتك

برنامجك اليومي في رمضان؟
دوامي يبدأ الساعه 10 الصباح وأطلع منه الساعه 4 :no: وأول ماأوصل البيت أدخل المطبخ مع أمي أشوف إذا فيه شي أسويه ولاأطلع إلا على صلاة المغرب وطبعاً هالوقت يكون مستقطع للأكل وعقد الإجتماع العائلي الموقر وبعد ماأصلي العشاء واللي يكتب الله أجلس شويه مع اهلي وأشوف أختي الصغيره وش سوت بالمدرسه وأخليها تحكي علي لما أدوخ من سواليفها أو أطلع زياره إذا كنت معزومه وأنام تقريباً على الساعه 1 أو 2

تذكرين أول مره صمتي فيها؟ وكم كان عمرك تقريباً؟
ماأذكر العمر بالضبط بس أذكر أني كنت بالإبتدائي تقريباً لما كنت بالصف الرابع أو الخامس

ماهي الأكله أو المشروب المفضل لك برمضان؟
السمبووووسه هذي أهم شي عندي برمضان والمشروب كان التوت لما كنت صغيره بس الحين ماعاد تفرق معاي

هل تحسين بفرق بين رمضان الآن ورمضان في السابق؟
بصراحه مو هذاك الفرق اللي يذكر بس اللي أعرفه وأحس فيه إن كل شي قبل أحلى وله طعم ثاني .

موقف لاتنسينه برمضان؟
موقف أبداً ماأحبه ولا أحب أتذكره بس الحمدلله كني بديت أنسى أو أتناساه مو مهم المهم انه ماعاد يأثر فيني

يارب أكون عطيتك المفيد
أدري قرقتي كثيره:blush-ani

العذر والسمووووحه خيو ..

[جموح مهره]

حياك الله جموح ض1




الساعات تمر وننتظر الأجابه ض1



الله يحييك عزيزتي:sm1 (117):

أبشري ولا يهمك بالإجابات بس انشاالله ماأكون طولت فيها ولاكثرت هذره:sm1 (117):

[جموح مهره]

مرحبااااا أخوي كونان:bye1:

سعيــــــــده جداً بتواجدك ومروركونثرك العطر بأسألتك اللي يشرفني أني أرد عليها ..


بالنسبه لجيتي لحارتكم سابقاً وحارتنا جميعاً حالياً
جاوبت عليه لما رديت على اخوي برق وبجاوبك عليه:
شوف ياطويل العمر ولاهانوا اللي يقرون:sm1 (117):
كنت داخله موقع أسمه منتقى وضغطت على رابط صوره وطلعت لي المجالس ولما شفتها وقريت بعض المواضيع جداً أعجبني الطرح للمواضيع والرقي بين الأعضاء مع العلم اني أول مره بحياتي أسجل بمنتدى عشان كذا كنت أغث الأعضاء بكثرة أسألتي:sm1 (117): وتعاملهم معاي وطيبتهم وتلقائيتهم شدتني أكثر وصرت أحكي لكل اللي أعرفهم عنه..

وبالنسبه للنك تبعي :
من وانا صغيره أحب الخيل وكنت دايماً أروح نادي الفروسيه مع أبوي ومن كثر ماأحب الخيول تعلمت ركوبها وكنت أنجن لما أشوف الخيال أو المدرب لما كان يحاول يعسف الخيل وهي جامحه كنت أس أنها تشبه لي كثير بحيث اني ماأحب أحد يقيدني أو يربطني بشي يكون مثل القيد..

انشاالله أكون وفيت بإجاباتي

وشكراً لك أخوي المحقق:detective

[جموح مهره]

حياااااك الله أختي سارقه :24:

يسعدك ربي ياعسوووله

امممممم كل شي جذبني بالمجالس
الأعضاء
المواضيع
الستايل
الإحترام
الرقي
المحافظه
أشياء كثير .. يخونني التعبير حالياً

والأعضاء كلهم مرتاحه لهم والله بدون إستثناء

أوف ليش تتفاولين علي الله يهديك وليش أترك المجالس؟

أنا مادخلت وأنل ناويه أترك..

وعمري 27

ومتخرجه من جامعة الملك سعود تخصص رياض أطفال

وسلامتك عيوني

[جموح مهره]

حياك الله جموح ض1

الله يحييك ويبقيك يابعدي

الساعات تمر وننتظر الأجابه ض1


تقولين وظيفتك أداريه ض1 يعني كم عمرك ض1 ؟؟
عمري ياطال عمرك والسامعين:sm1 (117): احم قصدي واللي يقرون 27 سنه


في اي منطقه من مناطق المملكه تعيشين حالياً ؟

في بردي وهجيري (الريـــــــــــاض)

ماهو رأيك في وضع التدريس حالياُ سواء كان ابتدائي متوسط ثانوي او دراسات عُلياً ؟

بصراحه سيء ولو تلاحظين غاليتي نتائج مخرجات التعليم عندنا وشلون الكم صاير أكثر من الكيف ، المدارس وظيفتها التعبئه الجامعات وظيفتها تعبي الكراسي اللي عندها دون أدنى مجهود للتركيز بالتخصصات اللي ممكن تنفع سوق العمل بالدوله ، الدراسات العليا صارت كلها واسطات لو كان تخصصك تربوي بالواسطه تقدر تصير مهندس أو سياسي أو مدير مستشفى:no:






يارب أكون وفيت وكفيت بإجاباتي
وشاكره لك مره ثانيه على الإستضافه اللي أسعدتني وعطتني مجال أني أعرّف عن نفسي أكثر:sm1 (117):

[جموح مهره]

http://abeermahmoud2006.jeeran.com/553-Wellcome.gif

بكـ عزيزتي جموح مهرهـ

هلا بك أكثر خيتووو :24:

وإليكِ أسئلتي:

http://www.khwaildi.org/vb/images/smilies/w6w.gif
س1/عندما تري الدنيا ملونه ...وتسمعي كل شي يغني مسرورا ....
عندما تبتسمي دون أن تشعري ...عندما تحسي انك على وفاق مع كل شي . ..
ما معنى ذلك؟

معناه أني سويت شي حلو لأي أحد أحبه وشفت الفرحه بعيونه أو لما تغيّم عندنا بالرياض أو تمطّر أكون في حالة نشوه وأصير مبسوووطه وبس مبتسمه

س2/ عجلة الزمن بين يديك
حركيها حسب رغبتك أما إلى الأمام أو إلى الخلف
أين ستقفي بنا وماذا ستخبرينا عن هذه الفترة الزمنية ؟

أكيد مرحلة الطفوله كانت أحلى مرحله بحياتي صحيح كنت متحمله المسؤوليه من وانا صغيره بحكم اني أكبر أخواني بس برضه عشت طفوله جداً رااااائـــــعه كنت فاهمه الحياه بشكل ثاني بشكل جداً بريء ومازلت في بعض الأحيان أعيش مثل الأطفال أنسى نفسي وألعب معاهم لدرجة ان أمي دايماً تقول عني الناس يكبرون ويعقلون وانتي تكبرين و....... والله أحياناً أنسى اني كبرت:sm1 (117):

س3/ماحكمتكـِ في الحياة؟

ماكل مايتمناه المرء يدركه

س4/ لكل منا هوايات تستجديه وقت الفراغ... ماهي هواياتك؟

القراءه

ودمتي بحفظ الإله

أختك

صدق المشآعر




أتمنى تكون إجاباتي أرضتك غاليتي


وسعيده جداً بمرورك العطر

وعسى ربي يحفظك

[جموح مهره]

مراحب..:)

هلا وغلا أموره :24:

كيفك خيتوو..؟

منيحه الله يسلمك

اخبارك..؟؟

كل شي تمااااام

يالله استلمي اسألتي..:1:

تفضلي تأبريني:50_50:

1-جموح من النوع اللي يحتفظ بالذكريــات ...؟
اقصد أغراضــكـ القديــمهـ واللي تذكرك بأحداث ومناسبات خــــــــآصهـ
أو الأشياء تبــع ايام المدارس والدراسه ..؟؟

ايه ياقلبي انا من هالنوووع حتى لو كانت ورقه كبر أصبعك أحتفظت فيها

2-أول يوم لك بالمدرسه .. يوم أنتي بأول ابتدائي ... مين كان معك ..؟
ووصفيلي ذاك اليـــوم وش سويتي فيه بالتفصيـــــل ؟

كانت معاي خالتي وبصراحه ماأذكر التفاصيل بس أذكر المريول وكيف كان موديله كان حرررررركه:er: وأذكر اني كنت خواااافه وكانت عندي مفاهيم ماأدري وش تبي:amazed: مدري كيف كانو صديقاتي يصدقونني وتمشي عليهم ومن هالسوالف كنت أحب شي أسمه ليلى علوي ومن كثر ماأحبها كنت أقولهم إنها عمتي:$ هم من الغباء اللي بروسهم صدقوني كأنهم مايعرفون أسمي:icon9:!!!

3-مانــوع الأجــواء اللي تفضــلها جموح؟
هل طابــع على جوك الهـــــــــدوء .. والا الفرفشه الازعاج ؟؟

والله هذي تفرق حسب المكان يعني :: لما أكون بغرفتي أحب الهدوء ولما أطلع منها أحب أمزح وأستهبل على أهلي وعلى صاحباتي بالدوام ولما أكون هاديه يستغربووون ويقولون أكيد انتي مريضه:ill_h4h:؟!!
بس بالسفر لا أحب الهدوء

ان شاء الله يارب تكون خفيفه عليك :)

مثل العسل :24:


شكرا..:)


شكراً لك انتي غاليتي وآآآآآسفه ع الهذره

ما أنعطى وجه:$

[جموح مهره]

أهلا جموح

هلا بك خيتو أحلى نسيم:24:

تفضلي أسئلتي
1ـ هل أنت من النوع الذي يوأيد التعبير عن الذات؟

ايه عزيزتي أؤيد ذلك

2ـ مارأيك بالخوطر؟

أحب أقرأها

3ـ ماذا تفضلي من الألوان؟

حالياً ماسكه معاي ع الأخضر

أرجوا أن تكون أسئلتي خفيفة.......

زي العسل على قلبي:24:

تحياتي


أطيب التحايا لك غاليتي

وشكراً ع الأسئله ياأحلى حلووووه:sm1 (117):

[الصقر الشمالي]

امممممممم

هلا والله وغلا فيكم جميعا ..

كل الشكر لضيفتنا المتميزة .. جموح مهره ..

ع قبول الدعوة .. وتكريمها لنا .. واجوبتها ع اسئلة الاعضاء ..

ونتمنى لك التوفيق في حياتك العلمية والعملية




اسرة البرنامج ..